Ish-presidenti i Kosovës, Behgjet Pacolli, ka njoftuar se autoriteti i aviacionit civil të Kosovës e kishin lënë për 37 minuta në ajër aeroplanin e tij privat.

Pacolli ka kërkuar llogari nga përgjegjësit që sipas tij kanë bërë këtë veprim duke keqpërdorur detyrat zyrtare.

Tutje, kreu i AKR-së ka thënë se askush s’e di arsyen derisa ka dhënë garanci se kishin përfillur të gjitha veprimet e parapara me rregullat e fluturimit.

Postimi i plotë:

Dje pasdite, autoritetet e aviacionit civil të Kosovës na lanë në ajër (jo edhe mbi territorin e Kosovës), për 37 minuta. Askush nga ne nuk e di arsyen, por një gjë është e sigurt;

• Operatori amerikan ka leje të përhershme për aterrim në Prishtinë.

• Janë përfillur të gjitha veprimet e parapara me rregullat e fluturimit.

• Aeroporti i Prishtinës na informoi se nuk ka pasur asnjë pengesë për aterrim.

Në aeroplan kanë qenë 7 pasagjerë të cilët kanë përjetuar vështirësi për shkak të turbulencave të mëdha në territorin e pritjes për aterrim.
Shpresoj shumë që këto ditë do të njoftohemi për arsyen e këtij veprimi të shëmtuar qe si duket vjenë nga vullneti i individëve të papërgjegjshëm vjen nga vullneti i individëve të papërgjegjshëm që keqpërdorin detyrat e tyre zyrtare, megjithatë organet e drejtësisë janë në veprim./Arbresh.info